அறிமுகம்


CSK - ஓர் எளிய அறிமுகம்

சி.சரவணகார்த்திகேயன் கோவை சிங்காநல்லூரில் 1984ம் ஆண்டு ஆகஸ்ட் 13ம் நாள் பிறந்தார். ஈரோட்டில் பள்ளிப் படிப்பை மேற்கொண்ட இவர், சென்னை அண்ணா பல்கலைக்கழகத்தில் (கிண்டி பொறியியல் கல்லூரி) கணிப்பொறி இயல் படிப்பை முடித்தார். தற்போது பெங்களூரில் தனியார் நிறுவனத்தில் மென்பொறியாளராக‌ப் பணியாற்றுகிறார். தந்தை சின்னதுரை (மறைவு). தாயார் தெய்வாத்தாள். காதல் மணம் - மனைவி பார்வதி யமுனா. குழந்தைகள் ஞானி & போதி.

அங்கீகாரங்கள்
  1. உயிர்மை - சுஜாதா அறக்கட்டளை வழங்கும் சுஜாதா விருது [இணையம்] - 2017
  2. தமிழக அரசின் தமிழ் வளர்ச்சித் துறை வழங்கும் சிறந்த நூல் பரிசு [தொழில்நுட்பம்] - 2009
  3. குங்குமம் இதழில் கவிஞர் வைரமுத்து தேர்ந்தெடுத்த‌ முத்திரைக் கவிதை - 2007
  4. திருப்பூர் இலக்கிய விருது [படைப்பிலக்கியம்] - 2019
  5. பிரதிலிபி - அகம் நடத்திய‌ ‘ஞயம் பட வரை’ கட்டுரைப் போட்டி [முதல் பரிசு] -  2016
  6. தினமணி - சிவசங்கரி சிறுகதைப் போட்டி [ஆறுதல் பரிசு] - 2018
  7. அந்திமழை இதழ் - நம்பிக்கை நட்சத்திரம் [பன்முகத் திறமை] - 2015
  8. சுகன்யா தேவி கோவை பாரதியார் பல்கலைக்கழத்தில் செய்த முனைவர் ஆய்வில் [சமகாலக் கவிதைகளில் சமூகக் கருத்துக்கள்] எடுத்துக் கொண்ட நூல்களில் ஒன்று ‘பரத்தை கூற்று’ - 2014
புத்த‌கங்கள்

இவர் இதுவரை 22 நூல்கள் எழுதி இருக்கிறார் (18 அச்சு நூல்கள், 4 மின்னூல்கள்).

புனைவு
  1. கன்னித்தீவு [நாவல்] - உயிர்மை பதிப்பகம் (2019)
  2. மியாவ் [சிறுகதை] - உயிர்மை பதிப்பகம் (2018)
  3. ஆப்பிளுக்கு முன் [நாவல்] - உயிர்மை பதிப்பகம் (2017)
  4. இறுதி இரவு [சிறுகதை] - உயிர்மை பதிப்பகம் (2016)
அபுனைவு
  1. மும்மூர்த்திகள் [நேர்காணல்] - கிழக்கு பதிப்பகம் (2019)
  2. 96: தனிப்பெருங்காதல் [திரைப்படம்] - உயிர்மை பதிப்பகம் (2018)
  3. ஆகாயம் கனவு அப்துல் கலாம் [அறிவியல்] - சூரியன் பதிப்பகம் (2016)
  4. வெட்கம் விட்டுப் பேசலாம் [வரலாறு] - சிக்ஸ்த் சென்ஸ் (2014)
  5. குஜராத் 2002 கலவரம் [வரலாறு] - கிழக்கு பதிப்பகம் (2014)
  6. சந்திரயான் [அறிவியல்] - கிழக்கு பதிப்பகம் (2009)
கட்டுரை
  1. ஒரு கோப்பை பிரபஞ்சம் [ரசனை] - உயிர்மை பதிப்பகம் (2019)
  2. அநீதிக் கதைகள் [சமூகம்] - உயிர்மை பதிப்பகம் (2019)
  3. இந்தி தேசிய மொழியா? [அரசியல்] - உயிர்மை பதிப்பகம் (2019)
  4. ஐ லவ் யூ மிஷ்கின் [திரைப்படம்] - கிழக்கு பதிப்பகம் (2019)
  5. கிட்டதட்ட கடவுள் [அறிவியல்] - அம்ருதா பதிப்பகம் (2013)
கவிதை
  1. ரதி ரகசியம் [உரை] - உயிர்மை பதிப்பகம் (2019)
  2. தேவதை புராணம் [காதல்] - கற்பகம் புத்தகாலயம் (2012)
  3. பரத்தை கூற்று [சமூகம்] - அகநாழிகை பதிப்பகம் (2010)
கட்டுரை (மின்னூல்கள்)
  1. பெண் + கள் + ஊர் [அனுபவம்] - Amazon KDP (2019)
  2. சேர நன்னாட்டிளம் பெண்கள் [ரசனை] - Amazon KDP (2018)
  3. பிரியத்தின் துன்பியல் [இலக்கியம்] - Amazon KDP (2018)
  4. கமல் ஹாசனின் அரசியல் [அரசியல்] - Amazon KDP (2017)
    மின்னிதழ்
    பிற படைப்புகள்
    சினிமா பங்களிப்பு
    1. மதுமிதா சில குறிப்புகள் - குறும்படம் - கதை (2017)
    2. PS அர்ஜுன் இயக்க முயற்சித்த பெயரிடப்படாத தமிழ் திரைப்படத்தின் திரைக்கதை - வசனம் (2015)
    3. PS அர்ஜுன் இயக்க முயற்சித்த தமிழ் / மலையாளப் படத்தின் (JANANAM) திரைக்கதை, வசனம், பாடல் (2014)
    4. APIGEE நிறுவன‌த்துக்காக LIFE OF API என்ற ஆங்கிலக் குறும்படம் : எழுத்து - இயக்கம் (2013)
    5. ராஜ்மோகன் என்பவர் இயக்க முயற்சித்த போர்க்களம் என்ற படத்துக்குப் பாடல்கள் (2006)

    இவர் பிரதானமாய்த் தமிழ்ப் புனைவெழுத்தாளர். இதுவரை இரு நாவல்களும், இரு சிறுகதைத் தொகுதிகளும் வெளியாகி இருக்கின்றன. 13 வயதில் எழுத ஆரம்பித்து 2007ல் எழுத்துலகில் பிரவேசித்த‌ இவர் இதுவரை 22 புத்தகங்கள் எழுதியுள்ளார்.

    அந்தமான் தீவுகளின் கற்காலப் பழங்குடிகளின் வாழ்வையொட்டிய இவரது நாவல் கன்னித்தீவு சமீபத்தில் வெளியானது. காந்தியின் பிரம்மச்சரியப் பரிசோதனைகளை அடிப்படையாகக் கொண்டது இவரது முதல் நாவலான ஆப்பிளுக்கு முன். இதிகாசம், சரித்திரம், விஞ்ஞானம், காமம் எனப் பல தளங்களில் இவரெழுதிய பரிசோதனை முயற்சியான சிறுகதைகள் இவரது முதல் தொகுதியான இறுதி இரவு நூலில் இடம் பெற்றன. இவரெழுதிய ஆண் - பெண் உறவுச் சிக்கல்களைப் பேசும் சிறுகதைகள் மியாவ் என்ற இரண்டாம் தொகுப்பில் உள்ளன. இவரது புனைவுகள் ஜெயமோகன், பா.ராகவன் உள்ளிட்ட முன்னணி எழுத்தாளர்களின் பாராட்டுக்களைப் பெற்றவை.

    குங்குமம் வார இதழ் நடத்திய வாசகர் கவிதைத் திருவிழாவில் இவரது ஒருத்தி நினைக்கையிலே… என்பதை வைரமுத்து முத்திரைக் கவிதையாகத் தேர்ந்தெடுத்தார். பாலியல் தொழிலாளிகளின் குரலில் அமைந்த‌ 150 சிறுகவிதைகளின் தொகுப்பான பரத்தை கூற்று (அகநாழிகை பதிப்பகம்) எழுத்தாளர் சாரு நிவேதிதா வெளியிட்டார். ஏழு பெண்பாற் பருவங்களிலும் ஒரு பெண் தன் காதலனைக் குறித்துப் பாடுவதாய் எழுதப்பட்ட தேவதை புராணம் (150 சிறுகவிதைகள்) தமிழ்பேப்பரில் தொடராகவும், பின் நூலாகவும் வந்தது. ரதி ரகசியம் என்ற பெயரில் காமத்துப்பால் குறள்களுக்குக் குறுங்கவிதை உரை நூல் எழுதினார் (தமிழ்பேப்பர்.நெட்டில் தொடராகவும் வந்தது).

    இந்தியாவின் முதல் நிலவாராய்ச்சித் திட்டம் பற்றி‌ முழு விஞ்ஞான, வரலாற்றுத் தகவல்களுடன் இவர் எழுதிய சந்திரயான் என்ற‌ நூல் தொழில்நுட்பப் பிரிவில் தமிழ் வளர்ச்சித் துறையின் சிறந்த நூல் விருதினைப் பெற்றது. 2002ல் குஜராத்தில் நடந்த கலவரங்கள் குறித்து ஆதாரப்பூர்வமாக இவர் எழுதிய புத்தகம் 2014 சென்னை புத்தகக் காட்சியில் கிழக்கு பதிப்பகத்தின் அதிகம் விற்பனையான நூல்களுள் இடம்பெற்றது.

    அம்ருதா இதழில் 2011 நொபேல் விருதுகள் பற்றி எழுதிய‌ விரிவான கட்டுரைகள் பிற கட்டுரைகளும் கிட்டத்தட்ட கடவுள் என்ற நூலாக‌ வெளியானது. குங்குமம் இதழில் பொதுவில் பேசத் தயங்கும் விஷயங்களின் வரலாற்றை ச்சீய் பக்கங்கள் தொடராக எழுதினார். அது வெட்கம் விட்டுப் பேசலாம் என்ற நூலாக வெளியாகி இருக்கிறது.

    இந்திய ராக்கெட் இயலின் சரித்திரத்தை குங்குமம் இதழில் தொடராக எழுதினார் (ஆகாயம் கனவு அப்துல் கலாம்). பின் சூரியன் பதிப்பகம் மூலம் நூல் வடிவம் பெற்றது. ஆதியோடு அந்தமாக இந்திய விண்வெளி மற்றும் பாதுகாப்பு ஆராய்ச்சித் துறைகளில் ராக்கெட் தொழில்நுட்பம் எப்படி வளர்ச்சி பெற்றது என்பதை விரிவாக விவரிக்கும் இந்நூல் முன்னாள் இஸ்ரோ விஞ்ஞானிகளின் பாராட்டைப் பெற்றது.

    96 திரைப்படம் பற்றி ரசனை அடிப்படையில் 96: தனிப்பெருங்காதல் என்ற‌ முழு நூல் ஒன்றை எழுதியுள்ளார். இவரது திரைவிமர்சனங்கள் தொகுப்பு ஐ லவ் யூ மிஷ்கின்! கமல் ஹாசனின் அரசியல் என்ற அரசியல் கட்டுரைத்தொகுதி, சேர நன்னாட்டிளம் பெண்கள் என்ற ரசனைசார் கட்டுரைகளின் தொகுதி, பிரியத்தின் துன்பியல் என்ற இலக்கிய விமர்சனங்களின் தொகுதி ஆகியன‌ கிண்டில் மின்னூல்களாக வந்தன.

    2014 மக்களவைத் தேர்தலை ஒட்டி தமிழ் பேப்பரில் தொடர் கட்டுரைகள் எழுதினார். உயிர்மையில் இந்திய அரசியல் சாசனத்தை முன்வைத்துக் கட்டுரைகள் எழுதினார்.  விகடன்.காம் தளத்தில் ஹலோ... ப்ளூடிக் நண்பா! என்ற தொடர்பத்தியை எழுதினார். அதுவும் இன்ன பிற கட்டுரைகளும் சேர்த்து ஒரு கோப்பை பிரபஞ்சம் என நூலானது. கலைஞரின் நெஞ்சுக்கு நீதி சுயசரிதையின் முதற்பாகத்தைச் சுருக்கி எழுதி வந்தார்.

    2019ல் இந்திய‌ அரசியல் சாசனத்தை முன்வைத்து எழுதிய கட்டுரைகள் இந்தி தேசிய மொழியா? என்ற தொகுப்பாகவும் சமூக, அரசியல் நிகழ்வுகளை ஒட்டிய கட்டுரைகள் அநீதிக்கதைகள் என்ற தொகுப்பாகவும் வெளிவந்தன.

    தமிழ் என்ற மின்னிதழ் நடத்தி வருகிறார். இதுவரை ஐந்து இதழ்கள் வெளியாகி இருக்கின்றன. ஜெயமோகன், யுவன் சந்திரசேகர், பெருமாள்முருகன் ஆகியோரை விரிவான, ஆழமான‌ நேர்காணல் செய்து அதில் வெளியிட்டார். அவை மும்மூர்த்திகள் என்ற தொகுப்பாக‌ வெளிவந்துள்ளது. கலைஞரின் இலக்கிய‌ப் பங்களிப்புகளை முன்வைத்து ஒரு சிறப்பிதழ் வெளியிட்டார்.

    உயிர்மை, விகடன் தடம், அம்ருதா, ஆழம், அகநாழிகை, ஆனந்த விகடன், குமுதம், குங்குமம், தினமணி கதிர், காமதேனு இதழ்களில் இவரது படைப்புகள் வெளியாகின.

    அமேஸான் கிண்டில் Pen to Publish போட்டி (2019), உயிர்மை வழங்கும் சுஜாதா விருதுக‌ள் (2018 & 2019), ப்ரதிலிபி நுண்கதைகள் போட்டி (2017) ஆகியவற்றுக்கு நடுவராக செயல்பட்டிருக்கிறார். விஜய் டிவியின் நீயா நானா, ஜீ தமிழ் தமிழா தமிழா, கலைஞர் டிவி நெஞ்சே எழு விவாதங்களில் விருந்தினராகப் பங்கேற்றார். சில வெளிவராத படங்களின் திரைக்கதை - வசனத்தில் பணியாற்றி இருக்கிறார்.

    விஷ்ணுபுரம் விருது விழாவில் விருந்தினராகக் கலந்து கொண்டார் (2018). பெங்களூர் வாசகசாலை, ஐஐஎஸ்சி வாசகர் வட்டம் போன்ற குழுக்களில் இவரது புனைகதைகள் விவாதிக்கப்பட்டுள்ளன‌ (2018). சிங்கப்பூரில் இளம் எழுத்தாளர்களுக்கான சிறுகதைப் பயிலரங்கை நடத்தினார் (2019). மதுமிதா - சில குறிப்புகள் கதை குறும்படமானது. இறுதி இரவு, ஒரே ரத்தம் ஆகிய சிறுகதைகள் குறும்பட ஆக்கத்தில் இருக்கின்றன.

    சுகன்யா தேவி பாரதியார் பல்கலை.யில் செய்த‌ முனைவர் பட்ட ஆய்வில் (சமகாலக் கவிதைகளில் சமூகக் கருத்துக்கள்) இவர் கவிதை நூலும் (பரத்தை கூற்று) உண்டு.

    கடந்த பத்தாண்டுகளுக்கு மேலாக ட்விட்டரிலும், ஃபேஸ்புக்கிலும் தொடர்ச்சியாகச் செயல்பட்டு வருகிறார். தன் சொந்த வலைதளத்திலும் தொடர்ந்து எழுதி வருகிறார்.

    *
      சில சிறுகதைகள்
      1. பெட்டை (தினமணி கதிர்)
      2. நீதிக்கதை
      3. நான்காம் தோட்டா (ஆனந்த விகடன்)
      4. மயிரு (குமுதம்)
      5. ஒரே ரத்தம்
      6. E=mc2 (தமிழ்பேப்பர்)
      சில கட்டுரைகள்
      1. சேர நன்னாட்டிளம் பெண்கள்
      2. பொச்சு (விகடன் தடம்)
      3. கலைஞர்: நவீனத் தமிழகத்தின் சிற்பி (உயிர்மை)
      4. இந்தி நம் தேசிய மொழியா? (உயிர்மை)
      சில கவிதைகள்
      1. ஒருத்தி நினைக்கையிலே (குங்குமம்)
      2. முதல் நரை (ஆனந்த விகடன்)
      3. இன்ன பிற‌
      இலவச‌ மின்னூல்கள்
      1. வானவில் (தமிழ் மின்பதிப்பகம்) - 2018 ['ச்சீய் பக்கங்கள்' - LGBT பற்றிய‌ பகுதிகள்]
      2. ச்சீய்... (தமிழ் மின்பதிப்பகம்) - 2015 ['ச்சீய் பக்கங்கள்' - நூலாக்கம் பெறாத பகுதிகள்]
      *

      ஃபேஸ்புக்: https://www.facebook.com/saravanakarthikeyanc
      ட்விட்டர்: @writercsk
      மின்னஞ்சல்: c.saravanakarthikeyan@gmail.com
      தொலைபேசி: +91 98803 71123

      ***

      Popular posts from this blog

      புத்தம் புதுமைப் பெண்

      Pen to Publish போட்டி: மேலும் சில கேள்விகள்

      சக எழுத்தாளர்களுக்கு ஒரு திறந்த மடல்