சில சிந்தனைகள் - 3

பிரபு சாலமன் என்ற பெயருடைய இயக்குநரை உங்களுக்குத் தெரியுமா? கிங், கொக்கி, லீ, லாடம் என்று நான்கு சுவாரசியமான படங்களை இயக்கியிருக்கிறார். வழக்கம் போல் தமிழ் கூறும் நல்லுலகம் அவரைக் கண்டுகொள்ளவில்லை.

^^^^^^^^^^^^^^^^^
மக்களுக்கு என்ன பிடிக்கும் என MSV, ARR இருவரும் புரிந்து கொண்ட அளவுக்கு இளையராஜா புரிந்து கொண்டாரா என்பது சந்தேகமே. அவரது நல்ல பாடல்கள் ஹிட்டானது (கிட்டதட்ட ஓராயிரம்) விபத்தாகவே தோன்றுகிறது.

^^^^^^^^^^^^^^^^^
பேரரசு இயக்கும் படங்களின் வசனங்களை கவனித்திருக்கிறீர்களா? சில எதிர்பாராத, சுவாரஸ்ய எதுகைகள் தெறித்து விழும். அதற்காகவே அவருடைய படங்களை அவற்றின் மற்ற அபத்தங்களை சகித்துக் கொண்டு பார்க்கிறேன்.

^^^^^^^^^^^^^^^^^
பத்திரிக்கைகள் முதல் நண்பர்கள் வரை எல்லோருமே நன்றாக இருக்கிறது எனச் சொல்லி, அதனால் பார்க்க நினைத்து ஆனால் பார்க்க முடியாமல் போன சமீபத்தைய ஹிந்தி படங்கள்: Newyork, Love Aaj Kal மற்றும் Kaminey.

^^^^^^^^^^^^^^^^^
ஹிந்தியில் தற்போது நல்ல நடிகை என்றால் அது ப்ரியங்கா சோப்ரா தான். விதவிதமான கதாபாத்திரங்களில் அற்புதமாய் நடிக்கிறார். அவரை வைத்து நாம் எடுத்தது 'லப்டப்பதி' தமிழன் படம் தான். அது தான் தமிழனின் திறமை.

No comments: