சில‌ சிந்தனைகள் - 5

QUICK GUN MURUGAN படம் தமிழில் பார்த்தேன். நன்றாகத் தான் இருந்தது. வசன‌ங்கள் மற்றும் ஆக்ஷன் காட்சிகளில் தெறிக்கும் நகைச்சுவை தான் படத்தின் உயிர்நாடி. நாசர், ச‌ண்முகராஜன், ரம்பா, ராஜு சுந்தரம் என்று பாதிக்கு மேல் தமிழ் முகங்கள். பார்க்கலாம், I say!

^^^^^^^^^^^^^^^^^
தயிர் சாதத்துக்கு தக்காளி சாஸ் ஊற்றி சாப்பிட்டிருக்கிறீர்களா? சரி, அதை விடுங்கள், இந்த காம்பினேஷன்களை யோசித்துப் பாருங்கள்: கமல்ஹாசன் - பேரரசு, ரஜினிகாந்த் - தங்கர்பச்சான், விஜய்காந்த் - ஷ‌ங்கர், விஜய் - பாலா, சிம்பு - பாரதிராஜா. Incompatible Magic Value!

^^^^^^^^^^^^^^^^^
தமிழில் வீடியோ ஜாக்கிகளில் எனக்குப் பிடித்தவர் ரியா (மற்றபடி வெகுசனங்களுக்குப் பிடித்தமான திவ்யா, மஹாலஷ்மி போன்ற பட்டிக்காட்டு மிட்டாய்களில் எனக்கு ஆர்வமில்லை), அதே போல் ரேடியோ ஜாக்கிகளில் பிடித்தவர் சுசித்ரா. Seducing Voice.

^^^^^^^^^^^^^^^^^
கிட்டதட்ட ஒரு பத்து வருடம் முன்பு தூர்தர்ஷனில் இரவு எட்டு மணிக்கு நெஞ்சினலைகள் என்கிற அகிலனின் நாவலை நாடக‌மாகப் போட்டார்கள். மிக அற்புதமாக ஒரு திரைப்படம் மாதிரி எடுத்திருப்பார்கள். யார் அதன் இயக்குநர் மற்றும் ஒளிப்பதிவாளர்? Hats-off.

^^^^^^^^^^^^^^^^^
இன்னபிற முக்கிய தூர்தர்ஷன் novel நாடகங்கள்: என் இனிய இயந்திரா (சுஜாதா), இரும்புக்குதிரைகள் (பாலகுமாரன்), சோலைமலை இளவரசி (கல்கி), தென்பாண்டிச்சிங்கம் (கலைஞர்), சுந்தர காண்டம் (ஜெயகாந்தன்), வெந்து தணிந்த காடுகள் (இந்திரா பார்த்தசாரதி), கடல்புரத்தில் (வண்ண நிலவன்), ஒரு மனிதனின் கதை (சிவசங்கரி).