Posts

Showing posts from September, 2021

ஓராண்டின் முடிவில்...

#OKK (ஒரு கோடி காலடிகள்) #day365 சென்ற விநாயக சதுர்த்தியில் தீர்மானித்து ஆகஸ்ட் 24, 2020 அன்று தொடங்கியது. ஒரு நாளும் தவறாமல் தொடர்ந்து முழு ஓராண்டு தினம் 10,000 காலடிகள் நடந்திருக்கிறேன். சென்ற ஆண்டு இப்படி நான் ஒழுக்கம் பேணுவேன் என எவரும் சொல்லியிருந்தால் நானே நம்பியிருக்க மாட்டேன். ஏனெனில் பத்தாண்டுகளுக்கு மேலாக பல முறை ஜிம், யோகா, க்ளப் எனக் காசை வியர்வையாக்க முயன்று விரயமாக்கியிருக்கிறேன். சும்மா பூங்காவில் அல்லது நெரிசலற்ற சாலைகளில் கூடப் போகலாம். பெங்களூர் என்பதால் இரண்டுக்குமே பஞ்சமில்லை. ஆனால் காசு கட்டியதற்காகவேனும் விடாது போவேன் என்ற நப்பாசை. ஆனால் நடந்தது என்னவென்றால் அதிகபட்சம் ஒரு மாதம் போவேன், அப்புறம் சோம்பல் புகுந்து விடும், அல்லது ஏதேனும் காரணம் சிக்கி விடும். அதை முடித்த பின் என ஒரு நாள் குறிப்பேன். அந்நாள் வரவே வராது. அந்தப் பின்புலத்தில் வைத்துப் பார்க்கும் போது எனக்கே இதில் பெருமிதம்தான். 🙂 இந்த ஓராண்டுத் தொடர்ச்சியைக் குலைக்க ஏராளம் சந்தர்ப்பங்கள் வந்தன. பயணம் அதில் முதலாவது, தொற்றுச்சூழல் இரண்டாவது, உடல் நலம் மூன்றாவது. சென்னை, கோவை, ஈரோடு, மைசூர், கொல்லிமலை என

எடை பார்த்தல்

உடற்பயிற்சி, உணவுக் கட்டுப்பாடு என்று இருப்பவர்கள் அவ்வப்போது எடை பார்த்துக் கொள்வது என்ன முன்னேற்றம் எனப் புரிந்து கொள்ளவும், அதன் வழி மேலும் ஊக்குவிப்பு பெறவும், மாற்றங்கள் செய்யவும் உதவும். ஆனால் இதற்கும் சில விதிகளை வைத்துக் கொள்வது நல்லது. அது நம் மனநிலையை, செயல்களைப் பாதிக்க வல்லது என்பதால் அந்த எடை எண்ணின் துல்லியம் முக்கியமல்லவா! 1) முதலில் சொந்தமாய் ஒரு எடை பார்க்கும் இயந்திரம் வாங்கிக் கொள்வது நல்லது. உலகில் எல்லா இயந்திரங்களும் மிகச் சிறிய அளவிலேனும் பிழை கொண்டவையே. ஒரே இயந்திரத்தைப் பயன்படுத்தும் போது அப்பிழை எல்லா முறையும் இருக்கும். அதை ignore செய்து விடலாம். என்வரையில் ஒரு வீட்டில் இது ஓர் அவசியமான investment. இன்று தெர்மாமீட்டர், ஆக்ஸிமீட்டர் எல்லாம் நடுத்தர வர்க்க வீடுகளில் சகஜமாகி விட்டன. இதுவும் ஒரு வீட்டில் மாற்றி மாற்றி யாரோ ஒருவருக்கேனும் எப்போதும் பயன்பட்டுக் கொண்டே இருக்கும். அமேஸானில் இன்று ரூ.500 முதல் எடை இயந்திரங்கள் கிடைக்கின்றன. ரூ.1000க்கு நல்லதாக ஒன்று வாங்கலாம். வாங்க முடியாதோர் அல்லது விரும்பாதோர் எப்போதும் ஒரே இயந்திரத்தில் எடை பார்க்க பக்கத்து வீட்டி